Статут 1588 года — першая беларуская канстытуцыя
Штогод верасень у нашай краіне праходзіць пад эгідай свята беларускага пісьменства і друку. Пачатак гісторыі беларускага друку, як вядома, паклаў слаўны сын зямлі полацкай Францішак Скарына. У адным шэрагу з ягонымі кнігамі як найвялікшая наша духоўная каштоўнасць стаіць і Статут Вялікага княства Літоўскага 1588 года — найдасканалейшы звод законаў у тагачаснай Еўропе.